![](https://i0.wp.com/www.thetriratna.com.np/wp-content/uploads/2020/05/monti.gif)
२२ जेठ धनुषा
धनुषामा करेन्ट लागेर दुईजनाको मृत्यु भएको छ । मृत्यु हुने दुवैजना दाजुभाइ रहेको बताइएको छ ।
जिल्ला प्रहरी कार्यालय, धनुषाले दिएको जानकारीअनुसार जनकपुर उपमहानगरपालिका–१७ कनकपट्टी बस्ने बौका साहको छोरा २६ वर्षीय सुरेन्द्र साह र २४ वर्षीय वीरेन्द्र साहको करेन्ट लागेर मृत्यु भएको छ।
सोमबार साँझ आफ्नै घरमा बिजुलीका सामग्री मर्मत गरिरहेको बेला करेन्ट लागेको थियो । करेन्ट लागेर दुवैजनाको घटनास्थलमै मृत्यु भएको बताइएको छ।मृतकका शवलाई अहिले परीक्षणका लागि जनकपुर अञ्चल अस्पतालमा राखिएको छ । नागरिकन्यूजबाट
![](https://i0.wp.com/www.thetriratna.com.np/wp-content/uploads/2024/03/triratna-pm-youtube.jpg)
Milan Shrestha । २२ जेष्ठ २०७५, मंगलवार ०७:३५ बजे